jueves, 8 de octubre de 2015

VOLVEN AS TARDES DE CONTOS NA BIBLIOTECA!

A semana pasada comezaron as visitas dos alumnos de Educación Infantil á biblioteca, nas que os pequenos asisten a sesións de contacontos que lles permiten achegarse a historias tan entrañables como a que se nos conta na obra de Elisa Ramón Non é fácil pequeno esquío, fermosamente ilustrada por Rosa Osuna e publicada por Kalandraka. Este libro captou desde o primeiro momento a atención dos nenos de 6º de Infantil C, quenes, logo da lectura, puideron explorar a biblioteca na procura das novidades recén chegadas para este curso.



Esta tarde, foron os pícaros dos grupos A e C de 5º de Infantil os que visitaron a biblioteca. Nesta ocasión, desfrutaron con outra obra de Elisa Ramón, ilustrada por José María Lavarello e publicada por Edebé: Aquello que tanto quería Susana.


Inspirándose no conto, os alumnos decoraron unha "caca" como a da protagonista desta divertidísima historia, na que unha nena trata de protexer o seu noxento coxín dos intentos da súa familia por lavalo. Aquí vos deixamos unhas fotos da sesión:





No hay comentarios:

Publicar un comentario